Къэбэрдей  -Балъкъэрым  и л1ыщхьэ  К1уэк1уэ  Казбек   видеоконференц  1эмалхэр  къигъэсэбэпри  зэ1ущ1э  ядригъэк1уэк1ащ республикэм  и  район  администрацэхэм,  къалэ  щ1ыналъэ  округхэм  я  1этащхьэхэм. Абы  и  лэжьыгъэм  хэтащ  Правительствэм  и  унафэщ1  Мусуков  Алий. 1уэхугъуэ  нэхъыщхьэу   «муниципальнэ  сыхьэтым»     къыща1этащ  лъэпкъ  проект  пэрытхэр  2021  гъэм  гъэзащ1а  зэрыхъунум епха  упщ1эхэр. К1уэк1уэ  Казбек  нэхъ  къэытеувы1ат   япэу  ц1ыхур    зэк1уал1э        медицинэ 1уэхущ1ап1эхэр  зэгъэпэщыжа  зэрыхъум.   Премьер  —  министрым  и  псалъэхэмк1э,   поликлинникэхэр къэгъэщ1эращ1эжыным  теухуауэ    конракт  зэгуры1уэныгъэу  11  зращ1ыл1ащ,  иджыблагъэ  т1умк1э  дэфтэрхэм  1э  щ1адзынущ.  Аушыджэр  жылагъуэм  къыщрагъэжьащ   амбулаторийм  и  ухуэныгъэр, Езанэ  сабий  поликлинникэр  ремонт  зэращ1ынум  и  проектым  хоплъэхэр   мы  зэманым. Къапщтэмэ  мы  лэжьыгъэхэр  ирахьэл1энущ  илъэсит1  зэк1элъхьэужьым.   Зэ1щ1эм  къызэрыщыхагъэщамк1э, «Псэуп1эмрэ  къалэм  и  щытык1эр  егъэф1ак1уэн»  лъэпкъ  проектым  и  гъэзащ1эным  ипкъ  итк1э  жылагъуэ   40-м  щы1э  ц1ыху  зэхуэсып1эу  33-м  зэ1узэпэщыныгъэ   1уэхугъуэхэр  щрагъэк1уэк1ащ,  унэ  зэтетхэм  я  бжэ1упэрэ  пщ1ант1э  90  — хуэдизыр  зыхуей  хуагъэзащ.    «Псы  къабзэ»   проектым  хыхьэу   йолэжь   псы  къышэшып1эхэм. Абы  папщ1э   контракт  зэгуры1уэныгъэ   14 зращ1ыл1ащ.   К1уэк1уэ  Казбек  район  администрацэхэм,  къалэ  щ1ыналъэ  округхэм  я  1этащхьэхэм   щы1ущ1эм  къыхигъэщащ  2020 гъэм     республикэм  ухуэныгъэу  ик1эм  нагъэсахэр   муниципалитетхэм  я  мылъкум  хэгъыхьэным  нэхъ  еужьэрэк1ыну.  Апхуэдэу  къыхигъэщхьэхук1ащ   ц1ыхум  1уэхутхьэбзэ  щыхуащ1эк1э  абы я  ф1агъым    гулъытэ    хуащ1ын  зэрыхуейр.  Ар  теухуат  курыт  еджап1эхэм   ц1ык1ухэр    зэрыщагъашхэм.  Абык1э  фэращ  жэуап  зыхьынур.-  Къажри1ащ  1этащхьэм   щ1ыналъэ   унафэщ1хэм.          

от admin

Добавить комментарий

Ваш адрес email не будет опубликован.