Урысейм и Правительствэм и УнафэщIым и къуэдзэ  Хуснуллин Марат Мэзкуу  щригъэкIуэкIащ Федерацэм и Правительствэм щIыналъэ зыужьыныгъэмкIэ и комиссэм   и зи чэзу зэIущIэр.  Абы  и лэжьыгъэм хэтащ  ик1и  къыщыпсэлъащ   Къэбэрдей-Балъкъэрым  и Iэтащхьэ  КIуэкIуэ Казбек.  Докладыр  теухуат «Псы  къабзэ»   Федеральнэ  проектым   2021  гъэм  зэрагъэзащ1эм,  апхуэдэу    2022-  2024  гъэхэм   мылъку  зыхуаут1ыпщыну    проект  — стетэ  дэфтэрхэр  зэрыхьэзырым.  К1уэк1уэ  Казбек    и къэпсалъэныгъэм  къыхигъэщащ  псы  зэфэнк1э  ц1ыхур  къызэгъэпэщыным    къриубыдэу    бжьамий    зэхэту   километрэ  63-рэ  зи  к1ыхьагъ  зэраукъуэдиинур,  Республикэ  унафэщ1ым щыжи1ащ  мыбдеж   псы  къышэшып1эу  4 зэратар  сом  мелуан 130 – м  нэблагъэ    тек1уадэу.  Унэт1ыныгъэмк1э   контракт  зэгуры1уэныгъэу   14 зращ1ыл1ащ,  пл1ымк1э   1уэхугъуэхэм    иджыри  яужь  итщ.  2020  гъэм  щ1ыналъэм  щытхузэф1эк1ахэми    и  гугъу  ищ1ащ.  1энат1э  32  яухуати , псык1э  зэлъагъэ1эсащ   километрэ  73-р.   А  лэжьыгъэхэм  хэтщ   псыкъуийрэ  псы  къыщ1эшып1эу  11.  Мылъкуу  хуаут1ыпщащ  сом  мелуан  145-рэ.  Къыжы1эн  хуейщ   кърагъэжьа  лэжьыгъэхэр   ик1эм  нэсмэ,    псыф1, псы  къабзэк1э   ц1ыху  мин  20 – р  къызэрызэрагъэпэщынур.   Къэбэрдей  —  Балъкъэрым и   1этащхьэм  и  докладым  къыщыхьат   кхъахэ  унэм  щ1эсхэр  къыщ1эгъэ1эпхъук1ынымк1э   1уэхугъуэхэр  зэрек1уэк1ыр.  2020 —  2021 – гъэхэм  ц1ыху  210  фэтэрыщ1э  щ1агъэт1ысхьэн  хуейуэ  къалэн  зыщащ1ыжам  щыщу    164-р   ягъэ1эпхъуак1эщ.    Хуснуллин  Марат   зэ1ущ1эм   гу  щылъитащ  «Шынагъуэншэ  Ф1агъ  зи1э  гъуэгухэмк1э «  лъэпкъ проектымрэ  «Псэуп1эмрэ  къалэм  и  щытык1эр  егъэф1ак1уэн»  щ1ыналъэ програмэхэмк1э    лжэжьыгъэшхуэ  республикэм  зэрыщрагъэк1уэк1ар.Урысей  Федерацэм  и  Правительствэм  и  унафэщ1ым  и  къуэлзэм       къыхигъэщащ    ди  1уэхухэр  зэрымы1ейр. Щ1ыналъэр  мыкъулейми,   тэмэму  мэлажьэхэр,  ехъул1эныгъэхэр  къагъэлъагъуэр   жи1ащ  абы.

КъБР-м и Iэтащхьэмрэ Правительствэмрэ я пресс-IуэхущIапIэ.

от admin

Добавить комментарий

Ваш адрес email не будет опубликован.