День рождения Владимира Ленина 22 апреля 1870 г
Нобэ Урысейм и щ1ыналъэ куэдым ягу къыщагъэк1ыжынущ революционер, публицист, совет политикэ, къэрал лэжьак1уэ ц1эры1уэ, дунейпсо тхыдэм щыяпэу Социалистическэ къэралыр, СССР-м и къызэгъэпэщак1уэ Ленин-Ульянов Владимир къыщалъхуа махуэр.Ар щыц1эры1уэр ди къэралым и закъуэтэкъым , абы и 1уэху бгъэдыхьэк1эхэмрэ гупсысэк1эмрэ щ1ып1э жыжьэхэм щызэлъащ1ысат. Лениным хуэдэ ц1ыху куэд дунейм тетакъым-ар гъащ1эм куууэ хэзыщ1ык1 еджагъэшхуэт, ц1ыхубэр зы1эпызышэ псалъак1уэт, къэрал лэжьак1уэ 1ущт. Абы и ф1эщ хъурт лэжьэк1уэбэм къаруушхуэ зэракъуэлъыр. Ленин Владимир ф1ыуэ илъагъурт щ1алэгъуалэр,псом хуэмыдэу и нэ1э тригъэтт сабийхэм. Апхуэдэуи вождым гулъытэшхуэ хуищ1ырт пащтыхьым и зэманым хэк1уэдэж пэта лъэпкъ мащ1эхэм. Къапщтэмэ, Совет властым и лъэхъэнэм ди республикэм и ухуэныгъэхэр егъэлеяуэ щ1эхуэбжьауэ щытащ. 1уэхущ1ап1эшхуэхэр зэф1агъэуващ, 1эщ1агъэм куууэ хэзыщ1ык1 лэжьак1уэхэр ди1э хъуащ.Ахэр зы къэмынэу ек1уу къэрал псом къыщызэзыгъэпэщыфу щыта Ленин дэтхэнэ зы ц1ыху хьэлэлми ф1ык1эщ игу къызэринар.
Редактор: М.Мизова
Благоустройства дворовых территорий 2021-2022 г. г.
Щ1ыналъэхэм зэ1узэпэщыныгъэ
1уэхугъуэхэр щегъэк1уэк1ыным ехьэл1ауэ Урысейм Ухуэныгъэмк1э Министерствэм къыхилъхьа 1э 1этым и пэ къихуэу дзыхь зрагъэз телефоныр на1уэ ящ1ащ. Ар лэжьэнущ апрелым и 26-м щегъэжьауэ 2022 гъэм майм и 30 пщ1ондэ. Мы номерымк1э 8 800 600 20 13 жэщ-махуэ имы1эу ц1ыхухэр псалъэ хъунущ. Платформа электроннэ 1э 1этым зи арэзыныгъэ езытхэм зыщыпсэу къалэм е щ1ыналъэм и теплъэр ирагъэф1эк1уэн яхузэф1эк1ынущ. Абы хэт хъунущ зи ныбжьыр илъэс 14-м нэса дэтхэнэ зыри. Фигу къэдгъэк1ыжынщи, телефоныр лэжьэнущ мы мазэм и 26-м къыщыщ1эдзауэ ет1энэгъэ майм и 30 пщ1ондэ.
Редактор: М.Мизова
« Диктант Победы»
КъБ республикэр мы гъэм иджы 3-нэу хэтынущ « Тек1уэныгъэм и диктант» Урысейпсо тхыдэ акцэм. Ар хуэгъэпсащ Хэку зауэшхуэр ди Текуэныгъэк1э зэриухрэ мы гъэм илъэс 76 зэрырикъум, щек1уэк1ынур апрелым и 29-рщ. Ди республикэм ар еджап1э ищхьэу 3-м щызэхашэнущ: КъБ къэрал университетым, КъБ къэрал мэкъумэш университетым, Гъуазджэхэмк1э Кавказ Ищхъэрэ институтым. Диктант итхыну дэтхэнэ зы ц1ыхуми 1эмал ик1и хуитыныгъэ и1эщ, тхын щыщ1адзэнур махуэм сыхь. 14-м, апхуэдэу 14-рэ дакъ.45-м. Упщ1эхэр псори Хэку зауэшхуэ ек1уэк1ам теухуауэ щытынущ.
Редактор: М. Мизова
О состоянии школы и детского сада в сел. Лечинкай.
Пыдощэ хъыбарыщ1эхэм.
Лашынкъей къуажэ администрацэм и деж къызэрыщытщ1амк1э жылагъуэм дэт школит1ри зэпэшш, сабий сад щы1эм иджыри зы къыхэхъуэнущ.Зи бын апхуэдэ 1уэхущ1ап1эхэм езытыну адэ-анэхэм лъэпощхьэпо къыхэмык1ыу ягъэк1уэну 1эмал я1эщ.Адэк1э къыхыдошэ езы Хьэгъэжей Хьэсэн.
(голос Хагажеева)
Редактор : М.Мизова
Обращение В.В.Путина Федеральному собранию
Урысейм и Президент Путин Владимир,щыгъуазэ фызэрыхъуащи,УФ-м и Федеральнэ Зэхуэсым зэрызыхуигъэзам куэдым гуапэ ящыхъуа 1уэхугъуэхэм ящыщщ школак1уэхэм зэ етыгъуэу сомин 10 пщ1ырыпщ1 зэрыратынур, абы хохьэ мы гъэм школым к1уэну ц1ык1ухэри.Апхуэдэ сабийхэм ахъшэ щыхуаут1ыпщынур мы гъэм и август мазэм и кум щыш1эдзауэщ,адэ-анэм школак1уэр гъэ еджэгъуэщ1эм щыхуигъэхьэрым ирихьэл1эу. Къищнэмыщ1ауэ сабий зыгъуэтыну пэплъэ анэм , нэхъ хуэныкъуэхэм соми 5.350 иратынущ ,апхуэдэу анэм е адэм и закъуэу сабий зып1 унагъуэхэм илъэсийм щегъэжьауэ илъэс 16 ныбжьым итхэм июлым и 1 щыщ1эдзауэ сомини 5.650-рэ иратын хуейуэ игъэуващ Урысейм и Президент Путин Владимир.