Къэбэрдей  —  Балъкъэрым   и  хабзэхъумэ 1энат1эхэм  Налшык  къалэ  къащы1эрыхьащ  афьян   зэзыгъэк1уэк1  ц1ыхуипл1. Республикэм  и МВД-м  наркотик  хабзэм  къемызэгъыу   зезыхьэ , зэзыгъэк1уэк1ым  к1элъыплъынымк1э  Управленэм  и  лэжьак1уэхэмрэ  Урысей  ФСБ-м и къудамэу  Къэбэрдей  — Балъкъэрым    щы1эмрэ  ди къалащхьэм  щаубыдащ  ц1ыхум  и  щхьэр   зыгъэутхъуэ  щхъухьыр  щызэ1эпах  щ1ып1эм деж.   Тхылъымп1эпс  к1уэц1ылъ    1ыхьэ    353-рэ  хъу  героиныр   щагъэт1ылъым  зрагъэхьэл1ат   хабзэхъумэхэм.     А  махуэ  дыдэм  къащащ   щ1эпхъаджащ1эхэр  щыпсэу    фэтэрыр къа1эрыхьащ    апхуэдэ  порошок  зык1эц1ылъ  тхылъымп1эпс,  Электроннэ   тэрэзэхэр,  порошок   зрак1утэну  къагъэхьэзырахэр.Экспертизэм  къызэригъэлъагъуамк1э,   къа1эрыхьар  «героинк1э»   зэджэ  афьян  л1эужьыгъуэщ.  Апхуэдэу  къызэ1уахащ уголовнэ  1уэху  Урысей  Федерацэм и Уголовнэ  кодексым и и 228-нэ   статьям  и  е-4 нэ  «г» , Езанэ  1ыхьэхэмк1э . Ахэр зэрагъэкъуаншэмк1э. абы  тезыру  тралъхьэнущ  илъэс   20-м  нэблагъэ.   

от admin