Хмельницкэм и уэрамым тет сабий поликлиникэр зыхуей хуэзэу зэрагъэпэщыжащ. Лэжьыгъэ псори зэфIагъэкIащ узыншагъэр хъумэнымкIэ IэнатIэм и пэублэ IуэхущIапIэхэр къэгъэщIэрэщIэжынымкIэ программэм тету,

  псы зэрекIуалIэ, зэрагъэплъ системэхэр, бжэ-щхьэгъубжэхэр, унэ лъэгухэр щызэрахъуэкIащ, мафIэсым зыщыхъумэнымкIэ Iэмэпсымэхэр щIэуэ щагъэуващ.

 Сабий поликлиникэр нэрылъагъуу нэхъ екIу хъуащ. Абы и пэшхэр нэхущ, зэщIэкъуащ, иджырей унэлъащIэхэмкIэ къызэгъэпэщащ икIи щылажьэхэми къекIуалIэхэми я Iуэхур абы нэхъ тыншу щыдэкIынущ.

УФ-м и През. Путин Вл-р  и жэрдэмкIэ узыншагъэр хъумэнымкIэ пэублэ IэнатIэр къэгъэщIэрэщIэжыным теухуауэ ирагъэжьа икIи УФ-м  и Правительствэм, УФ-м Узыншагъэр хъумэнымкIэ и министерствэм я дэIэпыкъуныгъэкIэ ягъэзащIэ программэм ипкъ иткIэ ди республикэм щIэуэ щаухуащ е къызыхуэт щымы1эу щызэрагъэпэщыжащ медицинэм и IуэхущIапIэу 50.

Мы зэманым республикэм узыншагъэр хъумэнымкIэ и IэнатIэм проект ину зыбжанэ щагъэзащIэ. Налшык къалэм иджырей поликлиникэ, онкологие диспансер дащIыхь, Эльбрус поселкэм  сымаджэщ щаухуэ.

                  Редактор: М.Т.Мизова