Урысей Федерацэм Зыхъумэжыныгъэмк1э и министерствэм и сайтым къыщыхьащ Урысей Федерацэм Зэщ1эузэда Дзэхэм я Генеральнэ Штабым и къызэгъэпэщак1уэ — мобилизацэ управленэ Нэхъыщхьэм и лэжьак1уэ, контр-адмирал Цимлянский Владимир и къэпсалъэныгъэм щыщ пычыгъуэ. Урысейм и Правительствэм къызэригъэпащащ Ц1ыхур дзэм зэрыраджэм теухуа упщ1эхэр щызэхагъэк1 колл – центр. Абы зыхуэбгъазэ хъунущ 1уэхугъуэ гуэр къыплъыкъуэк1мэ. Цимлянскэм апхуэдэу къигъэна1уащ дзэм ираджэхэр. Ахэр фочауэхэр, танкистхэр, артиллеристхэр, автомобиль дэсу е механикыу къулыкъу езыхьэк1ахэращ. Ц1ыхур зэрыдашынур апхуэдэу зэхадзакъым, ауэ япэ ирагъэщынущ нэхъапэ1уэк1э зауэм 1ута, дзэ зэжьыхэуэныгъэм хэтахэр. Рядовой, сержант зи ныбжьыр илъэс 35 — иримыкъуахэр. Офицер нэхъыщ1эхэр, илъэс 50-м нэмысамэ. Къулыкъу зы1ыгъ офицерхэр илъэс 55 — мыхъуамэ. Абы щыгъуэм бзылъхугъэхэри ираджэнущ медицинэ 1эщ1агъэм и1эмэ. Апхуэдэхэр мащ1э дыдэщ жи1ащ Цимлянский Владимир . Урысейм и къэрал хабзэхэм тету къулыкъум ягъак1уэнукъым зыхъумэжыныгъэ – промышленнэ комплексым и лэжьак1уэхэр, п1алъэк1э зи узыншагъэк1э къулыкъум хуэмык1уэу къалъытахэр, сымаджэ п1эрыхэнэ, е Езанэ группэм хабжэ ныкъуэдыкъуэ зезыхьэхэр, сабиипл1 е нэхъыбэ илъэс 16 иримыкъуауэ зи1эхэр, адэ щхьэщымыту сабиипл1 е нэхъыбэ зып1 анэхэр. Мобилизацэк1э дашыр къэралым дзэ къулыкъум пэрытам и 3ы процентыращ. Апхуэдэу контр-адмирал Цимлянский Владимир и псалъэхэмк1э, ираджэхэм дзэ къулыкъум пэрытхэм хуэдэу социальнэ дэ1эпыкъуныгъэхэр хуащ1энущ. Къыхигъэщащ, щ1алэщ1э армэм дашауэ зи къак1уэжыгъуэхэр Украинэм зэрамыгъак1уэнур. Абыхэм и чэзум унэм къагъазэжынущ.